ការដាំដំណាំគ្រប់ប្រភេទដោយប្រើជីធម្មជាតិ EM

ការដាំដំណាំគ្រប់ប្រភេទដោយប្រើជីធម្មជាតិ EM៖

      បច្ចុប្បន្ននៅលើពិភពលោកគេកំពុងតែនាំគ្នាប្រើជីធម្មជាតិ EM ជាច្រើនឆ្នាំមកហើយ តែប្លែកអី្វប្រទេសកម្ពុជាយើងគឺនាំគ្នាផ្អើលប្រើជីគីមីទៅវិ។ ការប្រើថ្នាំសំលាប់សត្វល្អិត ថ្នាំកំចាត់ស្មៅ អរម៉ូន បាញ់លើដំណាំផ្សេងៗពីមួយឆ្នាំទៅមួយឆ្នាំច្រើនទៅៗ។ ផលិតផលដែលបានមកដោយសារការប្រើគីមី យើងបរិភោគទៅធើ្វអោយប៉ះពាល់ដល់សុខភាពយ៉ាងខ្លាំង ដូចនេះយើងមិនគួរបរិភោគទេ ម្យ៉ាងវិញទៀតទីផ្សារក្រៅប្រទេសគេមិនត្រូវការកសិផលដែលប្រើគីមីព្រោះគេផ្តោតសំខាន់ទៅលើកសិកម្មធម្មជាតិ។
      ជីធម្មជាតិ EM ត្រូវបាននាំចូលមកស្រុកខែ្មរយើងនៅឆ្នាំ ២០០៤ ចាប់តាំងពីពេលនោះមកទល់នឹសព្វថ្ងៃនេះមានប្រជាពលរដ្ឋ ប្រជាកសិករខ្មែរយើងចំនួនប្រហែល ១៤,៣៨៦ នាក់ដែលមានទទួលនូវចំណេះដឹងពីវគ្គបណ្តុះបណ្តាលបច្ចេកទេសកសិកម្មអំពីជីធម្មជាតិ EM របស់សមាគម NKA ហើយយកទៅអនុវត្តន៍លើវិស័យកសិកម្មបានលទ្ធផលល្អ ហើយក៏មានប្រជាជនកម្ពុជាមួយចំនួនធំដែលមិនទាន់ស្គាល់ពីអត្ថប្រយោជន៍ដ៏ល្អរបស់ជីធម្មជាតិ EM នេះនៅឡើយ។ សមាគមសូមលើកយកផលប្រយោជន៍របស់ EM ចំពោះកសិកម្មផ្នែកដំណាំដាំដុះមកបង្ហាញជូនដូចខាងក្រោម៖

1. ជួយកាត់បន្ថយជាតិអាស៊ីតឲ្យមានលក្ខណៈមធ្យមក្នុងដី និងទឹក
2. ដោះស្រាយបញ្ហាសត្វល្អិតដែលជាសត្រូវ និងរោគរាតត្បាតផ្សេងៗរបស់ដំណាំ។
3. ជួយធ្វើអោយដីផុសជក់ទឹក និងធ្វើឲ្យខ្យល់អាកាសឆ្លងកាត់ដីបានល្អ។
4. ជួយរំលាយពពួកកម្ទេចកាកសំណល់ផ្សេងៗឲ្យក្លាយជាអាហាររបស់ដំណាំ ដែលវាអាចស្រូបយកបានដោយមិនចាំបាច់ខំប្រឹង (ដោយដំណាំមិនចាំបាច់ចំណាយកំលាំងធ្វើការច្រើន)។
5. ជួយបង្កើនអរម៉ូនដំណាំដើម្បីឲ្យលូតលាស់ល្អហើយគុណភាពខ្ពស់។
6. ជួយឲ្យផលដំណាំទាំងឡាយអាចរក្សាទុកបានយូរ ស្រួលក្នុងការដឹកជញ្ជូនផ្លូវឆ្ងាយ ដូចជាយកចេញទៅក្នុង និងក្រៅប្រទេស។

ខាងក្រោមនេះជាវិធិសាស្រ្តខ្លះៗក្នុងការដាំដំណាំគ្រប់ប្រភេទដោយប្រើ EM៖

ដំណាំស្រូវ

             

ការប្រើជីធម្មជាតិ EM លើដីស្រែដែលខូចរិចរិលដោយថ្នាំពុល, ជីគីមី និងការដុតបំផ្លាញ 

        ១. ក្រោយពេលច្រូត

• រោយបូកាឈិ ៣៥០គ.ក្រ និង OF ថនិកសត្វ ២៥០គ.ក្រ ក្នុងមួយហិតា បាញ់មេ EM-FPE និង EM-5 ទាំងបីមុខសរុបអោយបាន ១លីត្រ ស្ករបរិសុទ្ធ ១លីត្រ លាយទឹក ៥០០ ទៅ ១០០០លីត្រ។
• បើលាយទឹក ៥០០លីត្រក្នុងស្រែមានទឹកតិច បើលាយទឹក ១០០០លីត្រ មានន័យថាក្នុងស្រែគ្មានទឹក
• ភ្ជួរពន្លប់ទុករយៈពេល ១៥ថ្ងៃ

២. ក្រោយពេលច្រូត

• ក្រោយ១៥ថ្ងៃប្រសិនបើមានដុះស្មៅច្រើនយើងភ្ជួររាស់ម្តងទៀតដើម្បីបំបាត់ស្មៅ រោយបូកាឈិ ២៥០គ.ក្រ និង OF ថនិកសត្វ ២៥០គ.ក្រ ហើយស្រោច EM-FPE និង EM-5 (១លីត្រ) ថែម EM បំបែក ១លីត្រ + ស្ករល្ងូអំពៅ ១លីត្រ ទាំងអស់ ៣លីត្រ លាយទឹក ៥០០លីត្រ ទៅ ១០០០លីត្រ។
• ៧ថ្ងៃក្រោយមកយើងភ្ជួររាស់ និងរោយបូកាឈិ ២៥០គ.ក្រ និង OF ថនិកសត្វ ២៥០គ.ក្របាញ់ EM បំបែក១លីត្រ EM-FPE ១លីត្រ + ស្ករល្ងូ ១លីត្រ ធ្វើដូច្នេះដើម្បីអោយស្មៅទាំងនោះ ក្លាយទៅជាជី។
• ៥ថ្ងៃក្រោយមកទៀតយើងចាប់ផ្តើមព្រោះ ស្ទូង ដាំ។

៣. ការត្រៀមគ្រាប់ពូជ

      ត្រូវជ្រើសរើសពូជស្រូវល្អ ធ្វើទៅតាមដំបន់កសិករនៅ។ យកមេ EM ១លីត្រលាយទឹក ៥០០លីត្រតាំ្រគ្រាប់ពូជទុករយៈពេល ៦ម៉ោងហើយប្រក្នុងស្បៃឬបាវរូចស្រោចទឹក EM រាល់ថ្ងៃរហូត គ្រាប់ពូជមានពន្លកសចេញមក ទើបយកទៅសំដិលអោយស្ងួតបន្តិចការពារសាបទៅដុំៗ។

៤. ការត្រៀមសាប

      ភ្ជួររាស់រូចរោយ OF ជីផ្អាប់ដី ២៥០គ.ក្រ ក្នុង១ហិចតា កៀរអោយស្មើល្អបាញ់ EM បំបែក + EM-FPE + ស្ករល្ងូអំពៅ ១លីត្រ ទាំងអស់ ៣លីត្រ លាយទឹក ១០០០លីត្រ បាញ់អោយសព្វចាមផ្តើមសាប រូចថែទាំរហូតគ្រប់អាយុ។

៥. ការត្រៀមស្ទូង

      រោយបូកាឈិ ៥០០គ.ក្រ EM-FPE និង OF អរម៉ូន លាយទឹក ៥០០លីត្របាញ់អោយសព្វ រួចភ្ជួររាស់ ចាប់ផ្តើមស្ទូងទៅតាមតំបន់របស់កសិកររស់នៅ។

បញ្ជាក់៖

• ដាក់ OF អរម៉ូនដើម្បីអោយដុះរឹសបានល្អ
• ដាក់ EM-FPE ដើម្បីជួយបណ្តេញសត្វល្អិត បង្កើនអតិសុខុមប្រាណក្នុងដី និងជាជីដ៏មានប្រសិទ្ធិភាព។
• សំណាបមុខយកទៅស្ទូងត្រូវយកមេ EM ល១លីត្រលាយទឹក ២០០លីត្ររួចជ្រលក់ទើបយកទៅស្ទូងដើម្បីការពាររោគរាតត្បាតផ្សេងៗនៅក្នុងដី។

៦. ការថែរក្សា

• ក្នុង១អាទិត្យម្តងបាញ់ EM-FPE ១លីត្រ លាយទឹក ៥០០លីត្រ ការពារសត្វល្អិតស៊ីបំផ្លាញ។
• បើមានសត្វល្អិតស៊ីច្រើន បាញ់ EM-FPE ១លីត្រលាយទឹក៥០០លីត្រនៅអាទិត្យទីមួយ
• បាញ់ EM-FPE ១លីត្រ + EM-5 ១លីត្រ លាយទឹក១០០០លីត្រ នៅអាទិត្យទីពីរ ធ្វើទាំងពីរជំហ៊ាននេះរហូតអស់សត្វល្អិត។
• ស្រូវចាប់ផ្តើមផើមយើងបាញ់មេ EM, EM-FPE និង OF អរម៉ូន សរុប ៣លីត្រលាយទឹក ១៥០០លីត្រ បាញ់រៀងរាល់អាទិត្យ ដើម្បីអោយដើមស្រូវរឹងមាំហើយគ្រាប់ស្រូវច្រើនមិនសូវស្កក (បើប្រើ EM បំបែកគ្រាប់ស្រូវមិនសូវល្អដូចប្រើមេ EM)។​ ...។ល។

ការប្រើជីធម្មជាតិ EM លើដីស្រែដែលល្អឬធ្លាប់ប្រើជីធម្មជាតិ EM

១. ក្រោយច្រូត

• រោយបូកាឈិ ២០០គ.ក្រ និង OF ថនិកសត្វ ២០០គ.ក្រ ក្នុងមួយហិចតា បា្ញញ់មេ EM EM-FPE និង EM-5 ទាំងបីមុខសរុបអោយបាន ១លីត្រ + ជាមួយស្ករល្ងូអំពៅ១លីត្រ លាយទឹក ១៥០០លីត្រ។
• ភ្ជួរពន្លប់ទុករយៈពេល៧ថ្ងៃ

២. ការត្រៀមដីសាប

      ភ្ជួររាស់រួច រោយ OF ជីផ្អាប់ដី ២០០គ.ក្រក្នុង១ហិចតា កៀរអោយស្មើរបាញ់ EM បំបែក EM-FPE និងស្ករល្ងូអំពៅ មួយមុខ ១លីត្រលាយទឹក ១០០០លីត្រ បាញ់អោយសព្វចាប់ផ្តើមសាប។

៣. ការត្រៀមស្តូង

      រោយបូកាឈិ ២០០គ.ក្រ បា្ញញ់ EM-FPE និង OF អរម៉ូន លាយជាមួយទឹក ១០០០លីត្រ ភ្ជួររាស់រួច ចាប់ផ្តើមស្ទូង។ សំណាបមុនយកទៅស្ទូងត្រូវយកមេ EM ​១លីត្រលាយទឹក ២០០លីត្រជ្រលក់ទើបយក ទៅស្ទូងដើម្បីការពាររោគរាតត្បាតផ្សេងៗនៅក្នុងដី។

៤. ការថែរក្សា

• ក្នុងមួយអាទិត្យម្តងបាញ់ EM-FPE ១លីត្រ លាយទឹក៥០០លីត្រ
• បើមានសត្វល្អិតស៊ីច្រើនបាញ់ EM-FPE និង OF អរម៉ូនសរុប៣លីត្រ លាយទឹក១០០០លីត្រ នៅអាទិត្យទី២ ធ្វើទាំងពីរជំហាននេះរហូតអស់សត្វល្ងិត។
• ស្រូវចាប់ផ្តើមផើមយើងបាញ់មេ EM EM-FPE និង OF អរម៉ូនសរុប៣លីត្រ លាយទឹក ១៥០០លីត្រ រៀងរាល់អាទិត្យដើម្បីអោយដើមស្រូវរឹងមាំហើយគ្រាប់ស្រូវច្រើនមិនសូវស្កក (បើប្រើ EM បំបែកគ្រាប់ស្រូវមិនសូវល្អដូចប្រើ មេ EM ទេ)។

៥. សំគាល់

• ប្រសិនបើគុម្ពស្រូវខ្លះមិនធំធាត់ដូចគេឯងយើងអាចប្រើ កាបូឈិ ឬOF ថនិកសត្វរោយក្បែរគុម្ពនោះ។
• ពេលយើងប្រើជីទឹកម្តងបរិមាណប្រហែល ១០លីត្រក្នុង១ហិចតា
• ជីស្ងួតសរុបមួយរដូវប្រើអស់ប្រហែល ១តោន ក្នុង១ហិចតា ឬ១០០ក្រាមក្នុង១ម៉ែត្រការ៉េ។ ...។ល។

ការប្រើជីធម្មជាតិ EM លើដំណាំបន្លែ

 ១. ការត្រៀមគ្រាប់ពូជ

      រយៈពេលដំបូងយើងត្រូវជ្រើសរើសគ្រាប់ពូជណាដែលអាចដាំបន្តទៀតបាន។ គ្រាប់ពូជនៅតាមទីផ្សារយើងដាំបានតែមួយលើក បើដាំបន្តទៀតមិនល្ងទេ។ មុនយកគ្រាប់ពូជទៅដាំ ឬសាបយើងយកគ្រាប់ពូជមកត្រាំមេ EM/100L ប្រហែល ៣០នាទីទើបសាប ឬដាំ។

២. ការត្រៀមរងបន្លែ

      កាប់រងជារាងតូអក្សរ V រួចដាក់លាមកសត្វ រុក្ខជាតិស្រស់ ឬកាកសំណល់ផ្សេៗរោយកាបូឈិ និង OF ថនិកសត្វ ២ក្តាប់ក្នុង១ម៉ែត្រការ៉េ ហើយស្រោច EM-FPE មេ EM និងស្ករល្ងូអំពៅ 1/500L ហើយពន្លប់ដីលើករងកំពស់ ២០ស.ម ទៅ ២៥ស.ម ទទឹង ៨០ស.ម ទៅ ១២០ស.ម បណ្តោយតាមតំរូវការ។ បន្ទាប់មកទៀតរោយបូកាឈិ និង OF ថនិកសត្វ២ក្តាប់ក្នុង១ម៉ែតការ៉េ រួចគ្របចំបើងហើយស្រោច EM-FPE ផ្អាប់ទុក ៧ថ្ងៃអាចដាំបាន។ ក្នុងរយៈពេល៧ថ្ងៃយើងស្រោចទឹកធម្មតារាល់ថ្ងៃ ឬទឹក EM-FPE កាន់តែល្អ។

៣. ការថែរក្សា

      ពេលដាំរួចហើយស្រោចទឹក EM-FPE ប្រសិនបើសត្វល្អិតច្រើនប្រើ EM5 + Sper EM5 ប្រើដូចនេះ ហើយមិនសូវ បានផលយើងអាចបន្ដែមមើមរំដេងចាស់ៗ ស្លឹកថ្នាំជក់ ម្ទេសទុំ និងស្លឹកគ្រៃ កិនអោយម៉ដ្ឋត្រាំទឹក ៣ម៉ោងយកទឹកមកស្រាច ធ្វើបែបនេះរហូតសត្វល្អិតចង្រៃលែងមាន។ ពេដំណាំជិតចេញ ផ្លែផ្កា ទើបប្រើ OF អរម៉ូនសរីរាង្គ ធ្វើបែបនេះរហូតដល់ពេល ប្រមូលផល។ ...។ល។

ការប្រើជីធម្មជាតិ EM លើដំណាំហូបផៃ្ល 

ជាទូទៅមុខនឹងដាំយើងត្រូវត្រៀមរន្តៅដាំ យើងមិនបាច់ភ្ជួរក៏បានដែរ តែករណីលើកលែងចំពោះដីចំការមាន ស្មៅដុះច្រើនយើងត្រូវការកំចាត់ស្មៅអាចត្រូវភ្ជួរច្រើនដង។

១. ការត្រៀមរន្តៅដាំមានៈ

1. ជីករន្តៅដាំប្រវែង ៥០សម x ៥០សម យ៉ាងតិច ឬ ១ម x ១ម x ១ម
2. ដាក់រុក្ខជាតិស្រស់ ឬចំបើង ឬស្មៅ ឬលាមកសត្វហើយដាក់ជីបូកាឈិ ២ក្តាប់យ៉ាងតិចហើយស្រោច EM, EM-5, EM-FPE & OF អរម៉ូនសរីរាង្គ និងកាកស្ករល្ងូអំពៅ ១លីត្រ លាយជាមួយទឹក ៥០០លីត្រ ហើយពន្លប់ដី។
3. រោបូកាឈិ២ក្តាបទៀតគ្រប់ចំបើងរួចស្រោច EM, EM-FPE, OF អរម៉ូនសរីរាង្គ និងស្ករល្ងូរអំពៅ ទុក៧ថ្ងៃអាចដាំបាន។
4. យកដំណាំមកដាក់ក្នុងរន្តៅហើយគ្របចំបើងនៅគល់ស្រោច EM, EM-FPE, OF អរម៉ូនសរីរាង្គ និងស្ករល្ងូអំពៅ ១លីត្រលាយទឹក ៥០០លីត្រ។ ពេលដំារូចហើយគ្របចំបើងនៅគល់ ស្រោច EM-FPE ប្រសិនមានសត្វល្អិតច្រើន ប្រើ EM-5 + Super EM-5 ពេលដំណាំជិតចេញ ផ្លែផ្កា ទើបប្រើ OF អរម៉ូនសរីរាង្គ ធ្វើដូចនេះរហូតដល់ពេប្រមូលផល។

២. ការមើលថែដំណាំហូបផ្លែ

1. ក្រោយប្រមូលផលរួចកាត់តុបតែងមែកយបូកាឈិ និង OF ថនិកសត្វស្រោច EM-FPE (ទាំងស្លឹក ដើម គល់)
2. ក្រោយលាស់ត្រួយខ្ខីហើយស្លឹកខ្ខីលាស់ជិតចាស់រោយបូកាឈិ និងOF ថនិកសត្វស្រច EM-FPE
3. មុនចេញផ្កា រោយបូកាឈិ និងស្រោច EM FPE & OF អរម៉ូនសរីរាង្គ
4. ផ្លែធំរោយ OF ថនិកសត្វស្រោច EM FPE & OF អរម៉ូនសរីរាង្គ ...។ល។

 ដំណាំបន្ថែម 

         

ការប្រើជីធម្មជាតិ EM លើដំណាំបន្លែ

១. ការត្រៀមគ្រាប់ពូជ

      រយៈពេលដំបូងយើងត្រូវជ្រើសរើសគ្រាប់ពូជណាដែលអាចដាំបន្តទៀតបាន។ គ្រាប់ពូជនៅតាមទីផ្សារយើងដាំបានតែមួយលើក បើដាំបន្តទៀតមិនល្ងទេ។ មុនយកគ្រាប់ពូជទៅដាំ ឬសាបយើងយកគ្រាប់ពូជមកត្រាំមេ EM/100L ប្រហែល ៣០នាទីទើបសាប ឬដាំ។

២. ការត្រៀមរងបន្លែ

      កាប់រងជារាងតូអក្សរ V រួចដាក់លាមកសត្វ រុក្ខជាតិស្រស់ ឬកាកសំណល់ផ្សេៗរោយកាបូឈិ និង OF ថនិកសត្វ ២ក្តាប់ក្នុង១ម៉ែត្រការ៉េ ហើយស្រោច EM-FPE មេ EM និងស្ករល្ងូអំពៅ 1/500L ហើយពន្លប់ដីលើករងកំពស់ ២០ស.ម ទៅ ២៥ស.ម ទទឹង ៨០ស.ម ទៅ ១២០ស.ម បណ្តោយតាមតំរូវការ។ បន្ទាប់មកទៀតរោយបូកាឈិ និង OF ថនិកសត្វ២ក្តាប់ក្នុង១ម៉ែតការ៉េ រួចគ្របចំបើងហើយស្រោច EM-FPE ផ្អាប់ទុក ៧ថ្ងៃអាចដាំបាន។ ក្នុងរយៈពេល៧ថ្ងៃយើងស្រោចទឹកធម្មតារាល់ថ្ងៃ ឬទឹក EM-FPE កាន់តែល្អ។

៣. ការថែរក្សា

      ពេលដាំរួចហើយស្រោចទឹក EM-FPE ប្រសិនបើសត្វល្អិតច្រើនប្រើ EM5 + Sper EM5 ប្រើដូចនេះ ហើយមិនសូវ បានផលយើងអាចបន្ដែមមើមរំដេងចាស់ៗ ស្លឹកថ្នាំជក់ ម្ទេសទុំ និងស្លឹកគ្រៃ កិនអោយម៉ដ្ឋត្រាំទឹក ៣ម៉ោងយកទឹកមកស្រាច ធ្វើបែបនេះរហូតសត្វល្អិតចង្រៃលែងមាន។ ពេដំណាំជិតចេញ ផ្លែផ្កា ទើបប្រើ OF អរម៉ូនសរីរាង្គ ធ្វើបែបនេះរហូតដល់ពេល ប្រមូលផល។ ...។ល។

ដំណាំហូបផ្លែ

         

ការប្រើជីធម្មជាតិ EM លើដំណាំហូបផៃ្ល

      ជាទូទៅមុខនឹងដាំយើងត្រូវត្រៀមរន្តៅដាំ យើងមិនបាច់ភ្ជួរក៏បានដែរ តែករណីលើកលែងចំពោះដីចំការមាន ស្មៅដុះច្រើនយើងត្រូវការកំចាត់ស្មៅ អាចត្រូវភ្ជួរច្រើនដង។

១. ការត្រៀមរន្តៅដាំមានៈ

1. ជីករន្តៅដាំប្រវែង ៥០សម x ៥០សម យ៉ាងតិច ឬ ១ម x ១ម x ១ម
2. ដាក់រុក្ខជាតិស្រស់ ឬចំបើង ឬស្មៅ ឬលាមកសត្វហើយដាក់ជីបូកាឈិ ២ក្តាប់យ៉ាងតិចហើយស្រោច EM, EM-5, EM-FPE & OF អរម៉ូនសរីរាង្គ និងកាកស្ករល្ងូអំពៅ ១លីត្រ លាយជាមួយទឹក ៥០០លីត្រ ហើយពន្លប់ដី។
3. រោបូកាឈិ២ក្តាបទៀតគ្រប់ចំបើងរួចស្រោច EM, EM-FPE, OF អរម៉ូនសរីរាង្គ និងស្ករល្ងូរអំពៅ ទុក៧ថ្ងៃអាចដាំបាន។
4. យកដំណាំមកដាក់ក្នុងរន្តៅហើយគ្របចំបើងនៅគល់ស្រោច EM, EM-FPE, OF អរម៉ូនសរីរាង្គ និងស្ករល្ងូអំពៅ ១លីត្រលាយទឹក ៥០០លីត្រ។ ពេលដំារូចហើយគ្របចំបើងនៅគល់ ស្រោច EM-FPE ប្រសិនមានសត្វល្អិតច្រើន ប្រើ EM-5 + Super EM-5 ពេលដំណាំជិតចេញ ផ្លែផ្កា ទើបប្រើ OF អរម៉ូនសរីរាង្គ ធ្វើដូចនេះរហូតដល់ពេប្រមូលផល។

២. ការមើលថែដំណាំហូបផ្លែ

1. ក្រោយប្រមូលផលរួចកាត់តុបតែងមែកយបូកាឈិ និង OF ថនិកសត្វស្រោច EM-FPE (ទាំងស្លឹក ដើម គល់)
2. ក្រោយលាស់ត្រួយខ្ខីហើយស្លឹកខ្ខីលាស់ជិតចាស់រោយបូកាឈិ និងOF ថនិកសត្វស្រច EM-FPE
3. មុនចេញផ្កា រោយបូកាឈិ និងស្រោច EM FPE & OF អរម៉ូនសរីរាង្គ
4. ផ្លែធំរោយ OF ថនិកសត្វស្រោច EM FPE & OF អរម៉ូនសរីរាង្គ

...។ល។

http://em-nka.com/nka.php?pg=plant-growing